Brailvi Books

ترجمہ :اے اللہ عَزَّوَجَلَّ! میں نے اپنی امانت ادا کردی، اپنا وعدہ پورا کیا تو اس وفا پر گواہ رہنا۔''اگر بوسہ نہ دے سکے تو اس کے سامنے کھڑاہو کر مذکورہ بالا الفاظ کہے پھر طواف قدوم کے علاوہ کوئی اور عمل نہ کرے البتہ اگر لوگوں کو فرض نماز پڑھتا ہوا پائے تو ان کے ساتھ نماز پڑھے پھر طواف کرے۔

چوتھا ادب:

    طواف کے متعلق ہے۔ جب طواف کا ارادہ کرے خواہ کوئی بھی طواف ہوتو اس پر چھ امورلازم ہیں۔

    (۱)طواف میں نماز کی شرائط کا لحاظ رکھے کیونکہ طواف بھی ایک قسم کی نماز ہے البتہ اس میں گفتگو کو جائز قرار دیا گیا طواف کی ابتداء میں ہی اضطباع کرے۔ اس کا طریقہ یہ ہے کہ چادرکے درمیان والے حصے کو دائیں بغل کے نیچے سے لے جاکر اس کے دونوں کنارے بائیں کندھے پر جمع کر دے اور طواف کی ابتداء کرتے وقت تلبیہ کہنا چھوڑ دے۔۱؎

    اس کے بعد طواف کرنے والا آئندہ آنے والی دعاؤں میں مشغول ہو جائے۔

    (۲)جب چادر کو کندھے پر ڈال لے تو بیت اللہ شریف کی دا ئیں جانب حجر اسود کے قریب کھڑا ہو جائے لیکن اس سے کچھ دور رہے تاکہ حجر اسود اس کے سامنے رہے۔ اپنے اور بیت اللہ شریف کے درمیان تین قدموں کا فاصلہ رکھے تاکہ بیت اللہ شریف کے قریب ہو کیونکہ یہ افضل ہے تاکہ وہ شاذروان (یعنی دیوار کے پایہ کے ساتھ عرض میں چھوڑے ہوئے حصے)کے اندر طواف کرنے والا نہ ہو کیونکہ وہ بیت اللہ کا حصہ ہے اور حجر اسود کے پاس شاذروان زمین سے ملی ہوئی ہے اور اس میں طواف کرنے والے کا طواف صحیح نہیں ہوتا کیونکہ وہ شخص بیت اللہ شریف کے اندر طواف کرنے والا شمار ہوتا ہے پھر اسی جگہ سے طواف کا آغاز کرے۔

(۳)حجر اسود سے گزرنے سے پہلے بلکہ طواف کے شروع میں پڑھے: