(3) کاش!میں روزِ قِیامت نہ اٹھایا جاؤں
امیرُالمؤمنین حضرتِ سیِّدُناعثمان غنی رضی اللہ تعالیٰ عنہ جوکہ حُضورِ پُرنور ،شافِعِ یومُ النُّشُورصلَّی اللہ تعالیٰ علیہ واٰلہٖ وسلَّم کے مُقرَّب ترین صَحابہ کرام علیھم الرضوا ن میں سے ہیں، خوفِ خدا عَزَّوَجَلَّ کے غَلَبہ کی بنا پر فرماتے ہیں:کاش!مرنے کے بعد مجھے دوبارہ نہ اُٹھایا جاتا۔
( اِحْیاءُ الْعُلُوم ج4 ص 226 )
اللہُ رَبُّ الْعِزَّت عَزَّوَجَلَّ کی اُن پر رَحمت ہو اور ان کے صَدقے ہماری مغفِرت ہو۔
اٰمین بِجاہِ النَّبِیِّ الْاَمین صلَّی اللہ تعالیٰ علیہ واٰلہٖ وسلَّم
کاش کہ میں دنیا میں پیدا نہ ہوا ہوتا قبرو حشر کاسب غم ختم ہو گیا ہوتا
آہ!سلبِ ایماں کا خوف کھائے جاتا ہے
کاش!مِری ماں نے ہی مجھ کو نہ جنا ہوتا
