Brailvi Books
 |
کفریہ کلِمات کے بارے میں سوال جواب |
77 - 692
تصوُّر کیا تو بیشک جس جس کا ایسا خیال ہوگا وہ سب بھی کافِر ومُرتَد ہیں اور ان سے وُہی مُعامَلہ برتنا واجِب جو مُرتدین سے برتا جائے!اوران کی شرکت کسی طرح روا نہیں، اور شریک ومعاون سب گنہگار ۔واللہ تعالٰی اعلم۔
کافِر کو مرحوم کہنا کیسا؟
سُوال:اپنے مرے ہوئے مُرتَد باپ کو مرحوم کہہ سکتا ہے یا نہیں؟
جواب:اِرتدِاد کا علم ہونے کی صُورت میں مرحوم کہنا کُفر ہے۔ صدرُالشَّرِیْعَہ ، بَدْرُ الطَّريقہ،حضرتِ علامہ مَوْلانامُفتی محمد امجَد علی اعظمی رحمۃ اللہ تعالیٰ علیہ فرماتے ہیں:''جو کسی کافِر کیلئے اس کے مرنے کے بعد مغفِرت کی دُعا کرے یا کسی مُردہ مُرتد کو مرحوم(یعنی رحمت کیا جائے)یا مغفور(یعنی مغفرت کیا جائے)یا کسی مر ے ہوئے ہندو کو بَیْکُنْٹھ (بے۔کُنْ۔ٹھ)باشی(یعنی جنّتی)کہے وہ خود کافِر ہے ۔"