Brailvi Books

کفریہ کلِمات کے بارے میں سوال جواب

368 - 692

سے فرمایا :چلو اُس شخص کو دیکھیں جس نے اپنے آپ کو بنامِ وِلایت مشہور کیا ہے ۔وہ شخص مَرجَعِ ناس و مشہورِ زُہد تھا ، (یعنی عقیدتمندوں کا اُس کے پا س ہُجوم رہتا تھا اور دنیا سے بے رغبتی میں اُس کی شہرت تھی)جب وہاں تشریف لے گئے اِتَّفاقاً اُس نے قبلہ کی طرف تھوکا ،حضرتِ سیِّدُناابو یزید بسطامی رضی اللہ تعالیٰ عنہ فوراً واپَس آئے اور اس سے سلام علیک نہ کی اور فرمایا:یہ شخص رسولُ اللہ صلی اللہ تعالیٰ علیہ واٰلہٖ وسلم کے آداب سے ایک ادب پر تواَمین ہے نہیں، جس چیز کا اِدِّعا (یعنی دعویٰ کرنا)رکھتا ہے اُس پر کیا امین ہو گا۔

(الرِّسالۃُ القُشَیرِیّہ ص 38۔ فتاوٰی رضویہ ج 21 ص539)

اور دوسری رِوایت میں ہے ، فرمایا:یہ شخص شریعت کے ایک ادب پر توامین ہے نہیں اَسرارِ اِلہٰیّہ(یعنی اللہ عَزَّوَجَلَّ کے رازوں)پر کیوں کر امین ہو گا!