Brailvi Books
 |
کفریہ کلِمات کے بارے میں سوال جواب |
240 - 692
والاکہنے کے بارے میں مزید معلومات درکار ہو تو فتاوٰی امجدیہ جلد4صَفْحَہ 260 پر فتویٰ ملاحَظہ فرما لیجئے ۔
مَنْقَبت میں''مُکھڑا ''بولنا کیسا؟
سُوال:بزرگوں کی مَناقِب میں تَصغیر والے الفاظ مَثَلاً مُکھ کے بجائے مُکھڑا، آنکھ کے بجائے انکھڑی وغیرہ لکھنا بولنا کیسا؟
جواب:منع ہے ۔بُزُرگوں کی شان میں بھی آداب کا خیال رکھنا ضَروری ہے۔ چُنانچِہ میرے آقا اعلیٰ حضرت ، اِمامِ اَہلسنّت،مولیٰناشاہ امام اَحمد رَضا خان عليہ رحمۃُ الرَّحمٰن کی خدمت میں سُوال ہوا:(اس مصرع)''مجھے اپنا مُکھڑا دِکھا شاہِ جِیلاں ''میں مُکھڑا کا استِعمال ٹھیک ہے یا نہیں؟ بَیِّنُوا تُوْجَرُوا۔(بیان فرمایئے اَجْر پایئے) جواباً ارشاد فرمایا:یہ لفظ تَصغیر کا ہے، اکابِر (یعنی بُزُرگوں)کی مَدح(یعنی تعریف و توصیف)میں مَنْع ہے۔ واللہ تعالیٰ اعلم ۔