جواب:ولیدِ پلید کا قَول کُفْر ہے کہ اس میں واضِح گستاخی موجود ہے اور ایسی جگہ پر اِسْتِفہام(يعنی سُواليہ انداز) گستاخی سے مانِع نہیں کہ گستاخی کا دَارو مَدار عُرف(رواج)پرہے اوراِسْتِفہام(یعنی پوچھنا)یہاں مقصود بھی نہیں۔ چُنانچِہ اِس کی نَظیرفُقَہاء ِکرام رَحِمَہُمُ اللہ السَّلام نے اس طرح ذکْر فرما ئی :اگر ایک شخص نے اللہ تعالیٰ کا بار بار ذکْرکیا تو دوسرے نے اُس سے کہا:''کیا وہ (یعنی اللہ عَزَّوَجَلّ)تمہار اچچا زاد بھائی ہے ؟''یہ کہنا کفر ہے کیونکہ اس نے اللہُ ربُّ العٰلَمِین عَزَّوَجَلَّ کی توہین کی اور یونہی قُراٰن اور مسجِد اور دیگر مُعَظَّمِین کی توہین کُفْر ہے ۔
