Brailvi Books
 |
کفل الفقیہ الفاھم فی احکام القرطاس الدراھم |
59 - 199
لہٰذا جب کاغذ کے ایک ورق کی قیمت اس تحریر کی وجہ سے دس ہزار تک پہنچ گئی تو اس میں تعجب کی کونسی بات ہے کہ نوٹ پر لکھائی کے سبب اس کی قیمت دس روپے یازائد ہوگئی، اور اس وجہ سے لوگ اس کی طرف مائل ہوئے، شرع نے بھَلا اس سے کب روکا ہے۔۔۔۔۔۔!
مال (Property)کی چار اقسام اور ان کی فقہی بحث
خلاصہ کلام یہ ہے کہ مسئلہ واضح و روشن ہے، بات دراصل یہ ہے کہ" بحر الرائق" وغیرہ کتب میں ہے کہ مال کی چار قسمیں ہیں ۔ 1۔ وہ مال جو ہر صورت میں ثمن ہی رہے، جیسے سونا اور چاندی یہ ہمیشہ ثمن ہی رہیں گے چاہے ان کو کسی شئے کے عوض بیچا جائے یا ان کے عوض کسی چیز کو بیچا جائے ،اپنی جنس کے بدلے لین دین ہو یا غیر جنس کے بدلے ،اہل عرف انہیں ثمن کہیں یا نہیں، جیسے سونے چاندی کے برتن وغیرہ، کہ یہ اس میں ہونے والی بناوٹ
(Designing)