Brailvi Books

      لہٰذا جب مسلمان ایسی بات سنیں گے کہ ان کا مقصد بھی حاصل ہو جائے اور وہ حرام فعل کے ارتکاب سے بھی بچے رہیں تو کیا و جہ ہے کہ توبہ نہ کریں اور شریعت و اسلا م کی بات پر عمل نہ کریں، کیونکہ انہیں شریعت و اسلام سے کوئی عداوت نہیں اور بیشک مشائخِ بلخ مثلاً امام محمد بن سلمہ وغیرہ نے تاجروں سے کہا کہ" بیع عینہ جس کا ذکر حدیث پاک میں ہے تمہاری ان بیعوں سے بہتر ہے"۔

    محقق علی الاطلاق فرماتے ہیں :    " یہ ٹھیک بات ہے اس لیے کہ بلاشبہ بیع فاسد غصب وحرام کے حکم میں ہے ، تو کہاں وہ اور کہاں بیع عینہ کہ بیع عینہ تو صحیح ہے اور اس کے مکروہ ہونے میں بھی اختلاف ہے"۔