Brailvi Books

    میں کہتا ہوں کہ یہ بھی اسی صورت میں ہے کہ بیع اور قرض دونوں اس طرح سے جمع ہوں کہ زید عَمرو کو کچھ روپے قرض دے اور تھوڑی سی چیز اسے زیادہ قیمت میں بیچے، تو قرضدار قرض کی ضرورت کی بنا پر اسے خریدے گا،تو اس صورت میں اگر قرض پہلے ہے تو بعض علماء کے نزدیک یہ بیع مکروہ ہے؛ کیونکہ یہ ایسا قرض ہے جو نفع کھینچ کرلارہا ہے، اور اگر بیع پہلے ہوچکی تھی اور قرض بعد میں دیا تو بالاتفاق اس میں کوئی حرج نہیں؛کیونکہ وہ ایک ایسی بیع ہے جو قرض کا نفع لائی، جیسا کہ امام شمس الائمہ حلوانی نے اس کافائدہ (Benefit)بیان فرمایا اور اسی پر فتویٰ دیا ،جیسا کہ" رد المحتار" میں مذکور ہے۔