لہٰذا جب سونے کی ایک اشرفی کو جو عموماًچاندی کے پندرہ روپے کے برابر ہوتی ہے چاندی کے ایک روپے کے بدلے بیچنا درست ہے اور اس میں بالکل سود نہیں، تو دس کے نوٹ کو بارہ روپوں کے عوض بیچنے میں سود کیسے ہوگا؟ اگر ا س میں بھی سود مانو تویہ نرا بہتان ہے ۔
اگر تم یہ اعتراض کرو کہ جو مسائل آپ نے بیان کئے ان صورتوں میں بیع اگرچہ درست ہے مگر مکروہ ہے اور مکروہ کام کاکرناممنوع ہوتا ہے، لہٰذا اگرچہ مکروہ کام کرنے سے وہ کام ہوتو جاتا ہے مگر حلال نہیں ہوتا۔ اسی طرح ان صورتوں میں بیع اگرچہ ہوجاتی ہے مگر حلال نہیں ہوتی۔
