Brailvi Books

کراماتِ صحابہ

173 - 342

تبلیغ سے یہ اسلام میں داخل ہوئے ۔ اپنے قبیلہ بنی عبدالاشہل کے سرداراورمدینہ منورہ میں اپنی خوبیوں کی و جہ سے بہت ہی باوقار تھے ۔ یہ قرآن مجید بڑی ہی خوش الحانی کے ساتھ پڑھتے تھے ۔ امیرالمؤمنین حضرت ابو بکرصدیق رضی اللہ تعالیٰ عنہ بھی انکا بہت زیادہ اعزاز واکرام کرتے تھے اوربارگاہ نبوت میں مقرب اورحاضر باش تھے ۔

    جنگ بدر،جنگ احد،جنگ خندق وغیرہ تمام غزوات میں سربکف اورکفن بردوش کفار سے جنگ کرتے رہے ۔ زمانہ خلافت کے جہادوں میں بھی شرکت فرماتے رہے یہاں تک کہ فتح بیت المقدس میں امیرالمؤمنین حضرت عمر رضی اللہ تعالیٰ عنہ کے ساتھ رہے۔ ۲۰ھ؁ میں حضرت امیرالمؤمنین عمر فاروق اعظم رضی اللہ تعالیٰ عنہ کی خلافت کے دوران مدینہ منورہ کے اند روصال فرمایا اورجنت البقیع میں دفن ہوئے ۔ (1)

                (اکمال ،ص۵۸۵واسدالغابہ ، ج۱،ص۹۲)

کرامت

فرشتے گھرکے اوپراُترپڑے

    روایت میں ہے کہ آپ رضی اللہ تعالیٰ عنہ نے نماز تہجد میں سورۂ بقرہ کی تلاوت شروع کی ۔ اسی گھر میں آپ کا گھوڑا بھی بندھا ہوا تھا اورگھوڑے کے قریب ہی میں ان کا بچہ یحیٰ بھی سورہا تھا ۔ یہ انتہائی خوش الحانی کے ساتھ قرأت کر رہے تھے ۔ اچانک ان کا گھوڑا بدکنے لگا یہاں تک کہ ان کو خطرہ محسوس ہونے لگا کہ گھوڑاان کے بچہ کو کچل دے گا۔ چنانچہ نماز ختم کر کے جب انہوں نے صحن میں آکر اوپر دیکھاتو یہ نظر آیا کہ بادل کے ٹکڑے کے مانند جس میں بہت سے چراغ روشن ہیں کوئی چیز ان کے مکان