Brailvi Books

کراماتِ صحابہ

166 - 342

کرامات 

جنازہ میں ستر ہزار فرشتے

    حضرت عبداللہ بن عمر رضی اللہ تعالیٰ عنہ راوی ہیں کہ رسول اللہ عزوجل وصلی اللہ تعالیٰ علیہ والہ وسلم نے فرمایا کہ سعد بن معاذ کی موت سے عرش الٰہی ہل گیا اور ستر ہزار فرشتے ان کے جنازہ میں شریک ہوئے ۔ (1)(زرقانی ،ج۲،ص۱۴۳وحجۃ اللہ ج۲،ص۸۶۸)

مٹی مشک بن گئی

    محمد بن شرحبیل بن حسنہ رضی اللہ تعالیٰ عنہماکا بیان ہے کہ ایک شخص نے حضرت سعد بن معاذ رضی اللہ تعالیٰ عنہ کی قبر کی مٹی ہاتھ میں لی تو اس میں سے مشک کی خوشبو آنے لگی اورایک روایت میں یہ بھی ہے کہ جب ان کی قبر کھودی گئی تو اس میں سے خوشبو آنے لگی جب حضور اقدس صلی اللہ تعالیٰ علیہ والہ وسلم سے اس کا ذکرکیا گیا تو آپ نے سبحان اللہ!سبحان اللہ !فرمایا اورمسرت کے آثار آپ کے رخسار انور پرنمودار ہوگئے۔(2)

(زرقانی ، ج۲،ص۱۴۳وحجۃ اللہ ،ج۲ص۸۶۸بحوالہ ابن سعد)

حضرت سلمہ بن اسلم بن حریش رضی اللہ تعالیٰ عنہ کہتے ہیں کہ جب حضور اقدس صلی اللہ تعالیٰ علیہ والہ وسلم حضرت سعد بن معاذ رضی اللہ تعالیٰ عنہ کے خیمہ میں داخل ہوئے تو وہاں کوئی بھی آدمی موجود نہ تھا مگر پھر بھی حضوراکرم صلی اللہ تعالیٰ علیہ والہ وسلم لمبے لمبے قدم رکھ کر

1۔۔۔۔۔۔شرح الزرقانی علی المواھب اللدنیۃ، غزوۃ بنی قریظۃ، ج۳، ص۹۲ وحجۃ اللہ علی العالمین، الخاتمۃ فی اثبات کرامات الاولیاء...الخ، المطلب الثالث فی ذکر جملۃ جمیلۃ ...الخ، ص۶۱۷ 2۔۔۔۔۔۔شرح الزرقانی علی المواھب اللدنیۃ، غزوۃ بنی قریظۃ، ج۳، ص۹۸-۹۹