استاذ کو چاہيے کہ روزانہ سبق سننے کے ساتھ ساتھ سبق کا ایک باب مکمل ہوجانے پر یا ہر ہفتے طلباء کا تحریری یا زبانی امتحان ضرور لیتا رہے تاکہ طلباء کی صلاحیتیں کھل کر سامنے آسکیں ۔ پھر طلباء کی غلطیوں کی نشان دہی کرے اور انہیں اپنا معیار بلند کرنے کے لئے تجاویز دے۔ نمایاں کارکردگی دکھانے والوں کی حوصلہ افزائی بھی کرے ۔ ہفتہ وار ٹیسٹ کی برکت سے طلباء کو ادارے کی طرف سے ہونے والے سہ ماہی ،ششماہی اور سالانہ امتحان میں خاص دقّت محسوس نہیں ہوگی ۔ ان شاء اللہ عزوجل
(امتحانات کی تیاری کے سلسلہ میں مکتبۃ المدینہ کی شائع کردہ کتاب ''امتحانات کی تیاری کس طرح کریں؟'' کا مطالعہ بے حد مفید ہے۔)
