Brailvi Books
 |
کامیاب طالبِ علم کون؟ |
52 - 68
وقت تجھے ايک ہفتہ بعد ملنے آ رہا ہے تو اس عرصہ ميں جہاں تيرا گمان ہو کہ بادشاہ کی نظرپڑ سکتی ہے ،اس کی اصلاح و درستگی ميں مشغول اورمصروف ہو جائے گا ۔مثلا اپنے کپڑوں کوصاف ستھرا رکھے گا اپنے بدن کی ديکھ بھال اور زيب و زينت پر خصوصی توجہ دے گا ۔گھر کی اِک اِک چيز کو صاف و آراستہ کرنے کی کوشش کریگا ۔اب تو خوب سوچ اور سمجھ اورغورو فکر کر کہ ميں نے کس جانب اشارہ کيا ہے ۔اور عقلمند کے ليے تو اشارہ ہی کافی ہے رسولوں کے تاجدار ،باذنِ پرورد گار عزوجل غيبوں سے خبر دار صَلَّی اللہُ تَعَالٰی عَلَیْہِ وَاٰلِہِ وَسَلَّمَ کا فرمانِ مشکبار ہے :
اِنَّ اللہَ لَا یَنْظُرُ اِلٰی صُوَرِکُمْ وَلَا اِلٰی اَعْمَالِکُمْ وَلٰکِنْ یَّنْظُرُ اِلٰی قُلُوْبِکُمْ وَنِياتِکُمْ
اللہ تعالیٰ تمہاری شکل و صورت اور تمہارے ظاہری اعمال کو نہيں ديکھتا، وہ تو تمہارے دلوں اور تمہار ی نيتوں پر نظر فرماتا ہے۔
(سنن ابن ماجہ، کتاب الزھد، باب القناعۃ،الحديث ۴۱۴۳،ج۴،ص۴۴۳ )