Brailvi Books

(۲۰۴)۔۔۔۔۔۔ ام المومنین حضرتِ سیدتنا عائشہ صدیقہ رضی اللہ تعالی عنہا فرماتی ہیں كہ نور کے پیکر، تمام نبیوں کے سَرْوَر، دو جہاں کے تاجْوَر، سلطانِ بَحرو بَرصلَّی اللہ تعالیٰ علیہ واٰلہٖ وسلّم کے سامنے یہودیوں کا تذکرہ کیا گیا تو آپ صلی اللہ تعالی علیہ وآلہ وسلم نے فرمایا،'' یہودیوں نے کسی چیز پر بھی ہم سے اتنا حسد نہیں کیا جتنا اس جمعہ پر کیا ہے، جس کی طرف اللہ عزوجل نے ہماری رہنمائی فرمائی او ر یہودی اس سے محروم رہے اور اس قبلہ پر جس کی طرف اللہ عزوجل نے ہماری رہنمائی فرمائی اور ہمارے امام کے پیچھے آمین کہنے پر۔''

     ایک روایت میں ہے کہ حضور صلی اللہ تعالی علیہ وآلہ وسلم نے فرمایا ،''یہودیوں نے تم سے کسی چیز پر اتنا حسد نہیں کیا جتنا آمین کہنے اور سلام کرنے پر کیا ہے ۔''