Brailvi Books

(۱۸۶)۔۔۔۔۔۔ حضرتِ سیدنا ابی بن کَعْب رضی اللہ تعالی عنہ فرماتے ہیں كہ سرکارِ والا تَبار، ہم بے کسوں کے مددگار، شفیعِ روزِ شُمار، دو عالَم کے مالک و مختار، حبیبِ پروردگارصلَّی اللہ تعالیٰ علیہ واٰلہٖ وسلّم نے ہمیں فجر کی نَماز پڑھائی پھر ارشاد فرمایا، ''کیا فلاں شخص حاضر ہے؟'' عرض کیا گیا ''نہیں ۔''پھر پوچھا ،''کیا فلاں حاضر ہے؟ ''عرض کیا گیا،'' نہیں۔'' پھر فرمایا،''بیشک فجر اور عشاء کی نَمازیں منافقین پر سب سے زیادہ بھار ی ہیں، اگر جانتے کہ ان نَمازوں میں کیا ہے ؟تو ان نَمازوں میں ضرور حاضر ہوتے ،اگر چہ گھسٹتے ہوئے آتے ،اور بیشک پہلی صف ملائکہ کی صف کی مثل ہے، اور اگر تم پہلی صف کی فضیلت جان لیتے تو اسے حاصل کرنے کیلئے جلد بازی سے کام لیتے ،اور بے شک ایک مسلمان کے ساتھ نَماز پڑھنا تنہا نَماز پڑھنے سے افضل ہے اور دومسلمانوں کے ساتھ نَماز پڑھنا ایک مسلمان کے ساتھ نَمازپڑھنے سے افضل ہے اور جماعت جتنی بڑی ہو اللہ عزوجل کو اتنی ہی زیا دہ پسند ہے۔ ''