Brailvi Books
 |
جنت میں لے جانے والے اعمال |
(۱۷۵)۔۔۔۔۔۔ حضرتِ سیدنا ابن عمر رضی اللہ تعالی عنہما فرماتے ہیں کہ ہم خاتِمُ الْمُرْسَلین، رَحْمَۃُ الِّلْعٰلمین، شفیعُ المذنبین، انیسُ الغریبین، سراجُ السالکین، مَحبوبِ ربُّ العلمین، جنابِ صادق و امين صلَّی اللہ تعالیٰ علیہ واٰلہٖ وسلم کے ساتھ نَماز پڑ ھ رہے تھے کہ صحابہ کرام علیہم الرضوان میں سے ایک شخص نے کہا،
'' اَللہُ اَکْبَرُ کَبِیْرًا وَّالْحَمْدُلِلّٰہِ کَثِیْرًاوَّسُبْحَانَ اللہِ بُکْرَۃً وَّاَصِیْلًا
ترجمہ :اللہ بہت بڑا ہے اور تمام تعریفیں اللہ عزوجل ہی کے لئے ہیں اور میں صبح وشام اللہ عزوجل کی پاکی بیان کرتاہوں۔ '' تو رسول اللہ صلی اللہ تعالی علیہ وآلہ وسلم نے دریافت فرمایا،'' یہ کلمات کہنے والا کون ہے ؟'' تو وہ شخص کھڑا ہوا اور عرض کیا،'' وہ میں ہو ں یا رسول اللہ صلی اللہ علیہ وسلم !'' آپ نے ارشاد فرمایا،'' مجھے ان کلمات سے بہت خوشی ہوئی ان کی وجہ سے آسمان کے دروازے کھول دئیے گئے۔'' حضرتِ سیدنا ابن عمر رضی اللہ تعالی عنہ فرماتے ہیں،''جب سے میں نے رسول ِاکرم صلی اللہ تعالی علیہ وآلہ وسلم کویہ فرماتے ہوئے سناہے میں نے یہ کلمات پڑھنا کبھی نہیں چھوڑے ۔''