Brailvi Books
 |
جنت میں لے جانے والے اعمال |
77 - 736
کی بارگاہ میں کیا گیا اور اس کی فضیلت بیان کی گئی تو رسول اللہ صلی اللہ تعالی علیہ وآلہ وسلم نے فرمایا ''کیا دوسرابھائی مسلمان نہیں تھا؟''تو صحابہ کرام علیھم الرضوان نے عرض کیا ،''کیوں نہیں اور اس میں کوئی برُائی نہیں تھی۔'' تو رسول اللہ صلی اللہ تعالی علیہ وآلہ وسلم نے فرمایا'' تمہیں کیا معلوم کہ اس کی نَماز نے اسے کہاں پہنچادیا؟ نَمازکی مثال ایسی ہے کہ تم میں سے کسی کے دروازے پر میٹھے پانی کی بڑی نہر ہو جس میں وہ روزانہ پانچ مرتبہ غوطے لگائے تو تمہارا کیا خیال ہے اس کے بدن پر کوئی میل باقی رہے گی؟ تمہیں کیا معلوم کہ اس کی نَماز نے اسے کہاں تک پہنچا دیا؟''
(مسند احمد ، مسند ابی اسحاق سعد بن ابی وقاص ،رقم ۱۵۳۴ ، ج ۱، ص ۳۷۵)
(۱۴۵)۔۔۔۔۔۔ حضرتِ سیدنا ابوہریرہ رضی اللہ تعالی عنہ فرماتے ہیں قُضاعہ کے قبیلے بَلِیّ کے دو بھائی نور کے پیکر، تمام نبیوں کے سَرْوَر، دو جہاں کے تاجْوَر، سلطانِ بَحرو بَرصلَّی اللہ تعالیٰ علیہ واٰلہٖ وسلّم پر ایمان لا ئے ۔ان میں سے ایک شہید ہوگیا اور دوسرا ایک سال تک زند ہ رہا۔ حضرتِ سیدنا طلحہ بن عبید رضی اللہ عنہ کہتے ہیں کہ'' میں نے خواب میں دیکھا کہ بعد میں فوت ہونے والے بھائی کو اپنے شہید بھائی سے پہلے جنت میں داخل کردیا گیاہے ۔''مجھے اس پر بڑا تعجب ہوا صبح ہوئی تو یہ بات سرورِکونین صلی اللہ تعالی علیہ وآلہ وسلم کی خدمت میں عرض کی گئی تو سرکارِمدینہ صلی اللہ تعالی علیہ وآلہ وسلم نے فرمایا ،''کیا اس نے شہید (بھائی)کے بعدرمضان کے روزے نہیں رکھے ؟اور پھرچھ ہزار رکعتیں نہیں پڑھیں؟ اور سال میں اتنی اتنی رکعتیں ادا نہیں کیں ؟'' ابن حبان کی روایت میں یہ بھی ہے کہ'' تو پھر ان دونوں کے درمیان زمین وآسمان کی دوری کیوں نہ ہو ۔''
(مسند احمد ،مسند ابی اسحاق ابی محمد طلحۃ بن عبد اللہ ،رقم ۱۴۰۳ ،ج۱، ص ۳۴۴ بتغیر قلیل)