Brailvi Books
 |
جنت میں لے جانے والے اعمال |
76 - 736
ہے؟پھر آپ صلی اللہ تعالی علیہ وآلہ وسلم نے اپنا سر اٹھایا تو آپ کے چہرے پر ایسی مسرت تھی جو ہمیں سرخ اونٹوں سے زیادہ پسند تھی۔ پھر فرمایا''جو شخص پانچ نَماز یں ادا کرے اور رمضان کے روزے رکھے اور اپنے مال سے زکوٰۃ نکالے اور سات کبیرہ گناہوں سے بچتا رہے اس کے لئے جنت کے دروازے کھول دئیے جاتے ہیں اوراس سے کہا جاتا ہے کہ سلامتی کے ساتھ داخل ہوجاؤ۔ ''
(سنن نسائی ،کتاب الزکاۃ ، با ب وجوب الزکاۃ، ج۵ ،ص ۸)
(۱۴۲)۔۔۔۔۔۔ حضرتِ سیدنا ابو عثمان رضی اللہ تعالی عنہ فرماتے ہیں کہ میں حضرتِ سیدنا سَلْمَان فارسی رضی اللہ تعالی عنہ کے ساتھ ایک درخت کے نیچے کھڑا تھا کہ آپ رضی اللہ تعالی عنہ نے اس درخت کی ایک خشک ٹہنی کو پکڑا اور اسے ہلایا یہاں تک کہ اس کے پتے جھڑ گئے پھر فرمایا،'' اے ابوعثمان !کیا تم مجھ سے نہیں پوچھو گے کہ میں نے ایسا کیوں کیا ؟ ''میں نے پوچھا کہ'' آپ نے ایسا کیوں کیا ؟''توفرمایا،'' ایک مرتبہ میں رحمتِ عالم صلی اللہ تعالی علیہ وآلہ وسلم کے ساتھ ایک درخت کے نیچے کھڑا تھا تو سرکارِمدینہ صلی اللہ تعالی علیہ وآلہ وسلم نے اسی طرح کیا اور اس درخت کی ایک خشک ٹہنی کو پکڑ کر ہلایایہاں تک کہ اس کے پتے جھڑ گئے پھر فرمایا ،''اے سَلْمَان ! کیاتم مجھ سے نہیں پوچھو گے کہ میں نے یہ عمل کیوں کیا ؟''
میں نے عرض کیا،'' آپ نے ایسا کیوں کیا ؟''ارشاد فرمایا'' بیشک جب مسلمان اچھی طرح وضو کرتاہے اورپانچ نَمازیں ادا کرتاہے تو اس کے گناہ اس طرح جھڑتے ہیں جس طرح یہ پتے جھڑجاتے ہیں۔'' پھر آپ صلی اللہ علیہ وسلم نے یہ آیت مبارکہ پڑھی ،وَاَقِمِ الصَّلٰوۃَ طَرَفَیِ النَّہَارِ وَزُلَفًا مِّنَ الَّیۡلِ ؕ اِنَّ الْحَسَنٰتِ یُذْہِبْنَ السَّیِّاٰتِ ؕ ذٰلِکَ ذِکْرٰی لِلذّٰکِرِیۡنَ ﴿114﴾