Brailvi Books
 |
جنت میں لے جانے والے اعمال |
75 - 736
بعد میں جنت میں داخل ہوجاؤں ؟''فرمایا،'' اللہ عزوجل کی اس طرح عبادت کرو کہ کسی کو اس کا شریک نہ ٹھہراؤاور فرض نَماز یں اداکرو اور زکوٰۃ ادا کرو اور رمضان کے روزے رکھو۔'' تو اس نے عرض کیا ''مجھے اس ذات کی قسم! جس کے قبضۂ قدرت میں میری جان ہے میں اس پر زیادتی نہ کروں گا ۔''جب وہ لوٹ گیا تو سرکارِمدینہ صلی اللہ تعالی علیہ وآلہ وسلم نے فرمایا ،''جو کسی جنتی کو دیکھنا چاہے وہ اس شخص کو دیکھ لے۔''
(صحیح بخاری ، کتاب الزکاۃ ،باب وجوب الزکاۃ ، رقم ۱۳۹۷، ج ۱، ص ۴۷۲)
(۱۳۹)۔۔۔۔۔۔ حضرتِ سیدنا عبادہ بن صامت رضی اللہ تعالیٰ عنہ فرماتے ہیں کہ میں نےشہنشاہِ مدینہ،قرارِ قلب و سینہ، صاحبِ معطر پسینہ، باعثِ نُزولِ سکینہ، فیض گنجینہ صلَّی اللہ تعالیٰ علیہ واٰلہٖ وسلّم کو فرماتے ہو ئے سنا''اللہ عزوجل نے بندوں پر پانچ نَمازیں فرض فرمائی ہیں تو جو انہیں ادا کریگا اور ان کے حق کو ہلکا جانتے ہوئے انہیں ضائع نہ کریگا تواللہ عزوجل کا اس سے عہد ہے کہ وہ اسے جنت میں داخل فرمائے گااور جو انہیں ادا نہیں کریگا اس کا اللہ عزوجل کے پا س کوئی عہد نہیں اگر اللہ عزوجل چاہے تواسے عذاب دے چاہے تو اسے جنت میں داخل فرمائے ۔''
ابو داؤد شریف کی روایت کے الفاظ یوں ہيں کہ میں نے رسول اللہ صلی اللہ علیہ والہ وسلم کو فرماتے ہوئے سناکہ' 'اللہ عزوجل نے پانچ نَمازیں فرض فرمائی ہیں ، جو ان کے لئے بہتر طریقہ سے وضو کرے اور انہیں ان کے وقت میں ادا کرے اور ان کے رکوع وسجود،خشوع کے ساتھ پورے کرے تو اللہ عزوجل کے ذمہ کرم پر ہے کہ اس کی مغفرت فرمادے اور جو انہیں ادا نہیں کریگا تواللہ عزوجل کے ذمہ اس کے لئے کچھ نہیں چاہے تو اسے معاف فرمادے اور چاہے تو اسے عذاب دے۔ ''(سنن ابوداؤد ، کتا ب الصلوۃ ، با ب المحا فظۃ علی وقت الصلوات، رقم ۴۲۵، ج۱، ص ۱۷۶)