Brailvi Books
 |
جنت میں لے جانے والے اعمال |
(۶۳)۔۔۔۔۔۔ حضرتِ سیدنا ابو ہریرہ رضی اللہ تعالیٰ عنہ سے روایت ہے كہ نبی مُکَرَّم،نُورِ مُجسَّم، رسول اکرم، شہنشاہ ِبنی آدم صلَّی اللہ تعالیٰ علیہ واٰلہٖ وسلّم نے فرمایا،'' کیا میں تمہاری ایسے عمل کی طرف رہنمائی نہ کروں جس کے سبب اللہ عزوجل گناہ مٹا تاہے اور درجات کو بلند فرماتاہے ؟'' صحابہ کرام علیھم الرضوان نے عرض کیا،''یارسول اللہ صلی اللہ تعالیٰ علیہ وآلہ وسلم!کیوں نہیں ، ضرورکیجئے۔''ارشاد فرمایا ''دُشواری کے وقت کا مل وضو کرنا اور مسجدکی طرف کثرت سے چلنا اور ایک نَماز کے بعد دوسری نَماز کا انتظار کرنا، پس یہی گناہوں سے حفاظت کیلئے قلعہ ہے ،پس یہی قلعہ ہے۔''
(صحیح مسلم ، کتا ب الطھارۃ ، با ب فضل اسباغ الوضوء ، علی مکارہ، رقم۲۵۱، ص ۱۵۱)
(۶۴)۔۔۔۔۔۔ حضرتِ سیدنا جابر بن عبداللہ رضی اللہ تعالیٰ عنہماسے روایت ہے کہ شہنشاہِ مدینہ،قرارِ قلب و سینہ، صاحبِ معطر پسینہ، باعثِ نُزولِ سکینہ، فیض گنجینہ صلَّی اللہ تعالیٰ علیہ واٰلہٖ وسلّم نے ارشاد فرمایا،'' کیا میں تمہاری ایسے عمل کی طرف رہنمائی نہ کروں جس کے سبب اللہ عزوجل خطاؤں کو مٹاتاہے اور گناہوں کو معاف فرمادیتاہے۔'' صحابہ کرام علیھم الرضوان نے عرض کیا،'' کیوں نہیں ، یارسول اللہ صلی اللہ علیہ وسلم!'' تو ارشاد فرمایا،'' دشواری کے وقت کامل وضو کرنا اور مسجد کی طرف کثرت سے آنا اور ایک نَماز کے بعد دوسری نَماز کا انتظار کرنا۔''