Brailvi Books

(۵۶)۔۔۔۔۔۔ حضرتِ سیدنا ابو اُمَامَہ رضی اللہ تعالیٰ عنہ سے روایت ہے کہ اللہ عزوجل کے مَحبوب، دانائے غُیوب، مُنَزَّہ عَنِ الْعُیوب صلَّی اللہ تعالیٰ علیہ واٰلہٖ وسلّم نے فرمایا ''جو شخص نماز کا ارادہ کرتے ہوئے وضو کرنے کیلئے آتاہے پھراپنے دونوں ہاتھ دھوتاہے توپہلا قطرہ پڑتے ہی اس کی ہتھیلیوں کے گناہ جھڑ جاتے ہیں، جب وہ کلی کرتاہے اور ناک میں پانی چڑھا تاہے اور ناک صاف کرتاہے تو پہلاقطرہ ٹپکتے ہی اس کی زبان اور ہو نٹوں کے تمام گناہ جھڑ جاتے ہیں، پھر جب وہ اپنا منہ دھوتاہے تو اس کی آنکھ اور کان کے تمام گناہ پہلا قطرہ پڑتے ہی جھڑ جاتے ہیں اور جب وہ كہنیوں سمیت ہاتھ اور ٹخنوں سمیت پاؤں دھوتاہے تو ہرگناہ سے سلامتی(یعنی پاکی)حاصل کرلیتاہے اور اس حال میں نکلتاہے جیسا اس دن تھا جس دن اس کی ماں نے اسے جنا تھا،پھر جب وہ نماز کے لئے کھڑا ہوتا ہے تو اللہ عزوجل اسکا درجہ بلند فرما دیتاہے اور اگر بیٹھ جائے تو سلامتی کے ساتھ بیٹھتاہے۔ ''

    اور ایک روایت میں ہے کہ میں نے رحمتِ عالم صلی اللہ تعالیٰ علیہ وآلہ وسلم کو فرماتے ہوئے سناکہ'' جس نے کامل طریقے سے وضو کیا اور اپنے دونوں ہاتھ اور چہرہ دھویا اور اپنے سر کا مسح کیا اور کا نوں کا مسح کیا پھر فرض نَماز کے لئے کھڑا ہوا تواس کے قدم اس دن میں جس برائی کی طرف چلے اوراس کے ہاتھوں نے جسے پکڑا اور اس کے کانوں نے جو سنا ،اس کی آنکھوں نے جو دیکھا اور جو اس نے برُی گفتگو کی سب معاف کردئیے جائیں گے ۔'' پھر حضرتِ سیدنا ابواُمَامَہ رضی اللہ عنہ نے فرمایا کہ'' اللہ عزوجل کی قسم!