Brailvi Books

(طبرانی کبیر ، رقم ۴۹۱ ، ج ۲۲ ،ص ۱۸۸)

(۴۹)۔۔۔۔۔۔ حضرتِ سیدنا عِرباض بن ساریہ رضی اللہ تعالی عنہ فرماتے ہیں کہ آقائے مظلوم، سرورِ معصوم، حسنِ اخلاق کے پیکر،نبیوں کے تاجور، مَحبوبِ رَبِّ اکبرصلَّی اللہ تعالیٰ علیہ واٰلہٖ وسلّم نے ہمیں چند نصیحتیں فرمائیں جن سے ہمارے دل تڑپ اٹھے اور آنکھیں بہہ پڑیں تو ہم نے عرض کیا کہ'' یارسول اللہ صلی اللہ تعالی علیہ وآلہ وسلم یہ رخصت ہونے والے کی نصیحت لگتی ہے ،لہذا آپ صلی اللہ علیہ وسلم ہمیں کچھ وصیت فرمائیں ۔''

     سرکا رِ مدینہ صلی اللہ تعالیٰ علیہ وآلہ وسلم نے فرمایا، ''میں تمہیں اللہ عزوجل سے ڈرنے کی اور امیر کی بات سن کراس کی اطاعت کرنے کی وصیت کرتاہوں اگرچہ کسی غلام کو تمہارا امیر بنادیا جائے اور تم میں سے جو زندہ رہے گا وہ عنقریب بہت سے اختلاف دیکھے گا تو اس وقت میری سنت اور ہدایت یافتہ خلفائے راشدین کی سنت کو لاز م پکڑنا اور اسے دانتوں سے پکڑلینا اور نوپیداُمور سے بچتے رہنا کیونکہ ہر بدعت گمراہی ہے ۔''

     (جامع ترمذی ، با ب ماجاء فی الاخذ بالسنۃ ، رقم۲۶۸۵، ج ۴، ص ۳۵۸)

وضاحت:

     دانتوں سے پکڑنے سے مراد یہ ہے کہ سنت کو اس طرح لازم پکڑنا اور اس میں ایسی رغبت رکھنا جیسے دانتوں سے کسی