Brailvi Books

(۴۶)۔۔۔۔۔۔ حضرتِ سیدناابو رُدَیْن رضی اللہ تعالیٰ عنہ سے روایت ہے کہ خاتِمُ الْمُرْسَلین، رَحْمَۃُ الِّلْعٰلمین، شفیعُ المذنبین، انیسُ الغریبین، سراجُ السالکین، مَحبوبِ ربُّ العلمین، جنابِ صادق و امین صلَّی اللہ تعالیٰ علیہ واٰلہٖ وسلّم نے فرمایا ''جوقوم اجتماعی طور پر کتاب اللہ  کی تکرار کرتی ہے وہ اللہ عزوجل کی مہمان ہوتی ہے اور ملائکہ اسے ڈھانپ لیتے ہیں یہاں تک کہ وہ اٹھ کھڑے ہوں یاکسی دوسری بات میں مصروف ہوجائیں اورجو عالم موت ، کثرتِ مصروفیت یا علم کے ناپید ہوجانے کے خوف سے علم کی طلب میں نکلے وہ اللہ عزوجل کی راہ میں دن رات آمدورفت رکھنے والے کی طرح ہے اور جس کاعمل اسے سست کردے اس کا نسب اسے تیز نہیں کرسکتا۔''

    حضرتِ سیدنا عبداللہ بن امام احمد بن حنبل رضی اللہ تعالیٰ عنہما فرماتے ہیں کہ میں نے اپنے والد صاحب سے پوچھاکہ'' میں رات کو تہجد پڑھوں یا علم لکھوں؟ '' توآپ رضی اللہ عنہ نے فرمایاکہ'' علم لکھاکرو۔''