Brailvi Books

سُبْحَانَ اﷲِ

کہتے ہیں اگر تم

اَلْحَمْدُ لِلّٰہِ

کہتے ہو تو فرشتے بھی

اَلْحَمْدُ لِلّٰہ

کہتے ہیں اور اگر تم

اَللہُ اَکْبَرُ

کہتے ہو تو فرشتے بھی

اَللہُ اَکْبَرُ

کہتے ہیں پھر وہ فرشتے اپنے رب کی بارگاہ میں حاضر ہوجاتے ہیں ۔

     پھر وہ فرشتے عرض کرتے ہیں (حالانکہ اللہ عزوجل زیادہ جاننے والا ہے) ، ''اے ہمارے رب عزوجل !تیرے بندے تیری پاکی بیان کرتے تھے تو ہم نے بھی تیری پاکی بیان کی، انہوں نے تیری بڑائی بیان کی تو ہم نے بھی تیری بڑائی بیان کی، انہوں نے تیری حمد کی تو ہم نے بھی تیری حمد بیان کی ۔''تو ہمارا رب عزوجل فرماتاہے،'' اے فرشتو !گواہ ہو جاؤ کہ میں نے انہیں بخش دیاہے ۔''وہ عرض کرتے ہیں،'' ان میں فلاں بندہ بڑا بد کار ہے؟'' تو اﷲ عزوجل فرماتاہے ،''وہ ایسی قوم ہے جس کا ہم نشین بھی بدبخت نہیں رہتا۔''

    (مجمع البحر ین ، کتاب الاذکار ، باب مجالس ذکر اللہ ، رقم ۴۵۲۰ ، ج ۴ ، ص ۱۹۲)

(۱۱۸۲)۔۔۔۔۔۔ حضرتِ سیدنا انس رضی اللہ تعالیٰ عنہ سے روایت ہے کہ شہنشاہِ خوش خِصال، پیکرِ حُسن وجمال،، دافِعِ رنج و مَلال، صاحب ِجُودو نوال، رسولِ بے مثال، بی بی آمنہ کے لال صلَّی اللہ تعالیٰ علیہ واٰلہٖ وسلّم نے فرمایا،'' بیشک اللہ عزوجل کے کچھ فرشتے قافلے کی صورت میں ذکرکے حلقوں کو تلاش کرتے ہیں ۔جب وہ کسی اجتماعِ ذکر پر آتے ہیں تو اسے اپنے پروں سے ڈھانپ لیتے ہیں اور اپنے قاصد فرشتے کو آسمان کی طرف رب تبارک وتعالی کے پاس بھیجتے ہیں ۔پھر عرض کرتے ہیں،'' اے ہمارے رب عزوجل! ہم تیرے بندوں میں سے کچھ بندوں کے پاس سے آئے ہیں، وہ تیری نعمتوں کی عظمت بیان کررہے تھے ،تیری کتاب کی تلاوت کررہے تھے ، تیرے حبیب محمد صلی اللہ تعالی علیہ وآلہ وسلم پر درود بھیج رہے تھے اور تجھ سے دنیا و آخر ت کی بھلائیاں مانگ رہے تھے۔'' تو اللہ تبارک وتعالی فرماتا ہے،'' ان کو میری رحمت سے ڈھانپ دو کیونکہ وہ ایسی قوم ہے جن کا ہم نشین محروم نہیں رہتا ۔''

(مجمع الزوائد ، کتاب الاذکار ، باب ماجاء فی مجالس الذکر ، رقم ۱۶۷۶۹، ج۱۰، ص ۷۷)