Brailvi Books
 |
جنت میں لے جانے والے اعمال |
419 - 736
ہیں'' نہیں ۔''اللہ عزوجل فرماتاہے،'' اگر وہ اسے دیکھ لیتے تو کیا کرتے ؟''
پھر فرشتے عر ض کرتے ہیں،'' وہ تجھ سے مغفرت چاہتے تھے۔'' رب عزوجل فرماتاہے ،''میں نے ان کی مغفرت فرمادی اور ان کی مرا د انہیں عطا فرمادی اور جس سے وہ پناہ چاہتے تھے انہیں ا س سے پناہ عطا فرمادی ۔'' وہ عر ض کرتے ہیں،''یا رب عزوجل ! ان میں فلاں شخص بھی ہے جوبہت گنہگار ہے وہ وہاں سے گزررہاتھا اور ان کے ساتھ بیٹھ گیا ۔''اللہ عزوجل فرماتاہے،'' میں نے اس کو بھی بخش دیاکیونکہ یہ ایسی قوم ہے جس کا ہم نشین بھی محروم نہیں رہتا ۔''(مسلم ،کتاب الذکرو الدعاء ،باب فضل مجالس الذکر ،رقم ۲۶۸۹، ص ۱۴۴۴)
(۱۱۷۸)۔۔۔۔۔۔ حضرتِ سیدنا ابوسَعِیْد خُدْرِی رضی اللہ تعالیٰ عنہ سے مروی ہے کہ حضورِ پاک، صاحبِ لَولاک، سیّاحِ افلاک صلَّی اللہ تعالیٰ علیہ واٰلہٖ وسلّم نے فرمایا، '' اﷲ عزوجل فرماتاہے ، عنقریب قیامت کے دن جمع ہونے والے جان جائیں گے کہ کرم والے لوگ کون ہیں؟'' عرض کیا گیا،''یا رسول اﷲ صلی اللہ علیہ وسلم! کرم والے لوگ کون ہیں؟'' فرمایا ،''ذکر کی محفلیں قائم کرنے والے۔''
(الاحسان بتر تیب صحیح ابن حبان ،کتاب الرقائق ، باب الا ذکار ، رقم ۸۱۳ ، ج۲ ، ص۹۳)