(۱۱۷۵)۔۔۔۔۔۔ حضرتِ سیدنا معاویہ رضی اللہ تعالیٰ عنہ فرماتے ہیں کہ تاجدارِ رسالت، شہنشاہِ نُبوت، مَخْزنِ جودوسخاوت، پیکرِ عظمت و شرافت، مَحبوبِ رَبُّ العزت،محسنِ انسانيت صلَّی اللہ تعالیٰ علیہ واٰلہٖ وسلّم اپنے صحابہ کے ایک حلقے کے قریب سے گزرے تو ان سے پوچھا،'' تمہیں کس چیز نے یہاں بٹھایا ہے؟ ''انہوں نے عرض کیا،'' اللہ عزوجل نے جو ہمیں اسلام کی ہدایت عطافرمائی اور اس کے ذریعے ہم پر احسان فرمایا اس پر ہم اللہ عزوجل کا ذکر کرنے اور اس کا شکر ادا کرنے کے لئے بیٹھے ہیں۔'' فرمایا،'' تمہیں اللہ عزوجل کی قسم ! کیا تم صرف اسی کام کے لیے بیٹھے ہو؟'' صحابہ کر ام علیھم الرضو ان نے عرض کیا،'' اللہ عزوجل کی قسم ! ہم اسی کام کے لئے بیٹھے ہیں۔'' توآپ صلی اللہ تعالی علیہ وآلہ وسلم نے فرمایا،''میں نے تم سے تہمت کی وجہ سے حلف نہیں اٹھوایا بلکہ میرے پا س جبرائیل علیہ السلام آئے اور انہوں نے مجھ سے عرض کیا کہ اللہ عزوجل فرشتوں کے سامنے تم پر فخر فرماتاہے ۔''
