Brailvi Books
 |
جنت میں لے جانے والے اعمال |
414 - 736
کون ہے ؟ کیا کوئی فرشتہ ہے ؟ ''مجھ سے کہاگیا ،''نہیں۔'' میں نے پوچھا،'' کیا کوئی نبی ہیں ؟'' عرض کیا گیا ،'' نہیں۔'' میں نے پوچھا،'' پھر یہ کون ہے؟"کہا گیا ،''یہ وہ شخص ہے جس کی زبان اللہ عزوجل کے ذکر سے تر رہتی تھی اور دل مساجد میں لگا رہتا تھا اور اس نے کبھی اپنے والدین کو گالیاں نہیں دلائیں۔''
( التر غیب والترہیب ،کتاب الذکر و الدعا ء ، باب التر غیب فی الاکثار من ذکر اللہ ، رقم ۷ ، ج ۲ ، ص ۲۵۳)
(۱۱۶۳)۔۔۔۔۔۔ حضرتِ سیدنا معاذ بن جبل رضی اللہ تعالیٰ عنہ فرماتے ہیں کہ میں نے سرکارِ والا تَبار، ہم بے کسوں کے مددگار، شفیعِ روزِ شُمار، دو عالَم کے مالک و مختار، حبیبِ پروردگارصلَّی اللہ تعالیٰ علیہ واٰلہٖ وسلّم سے جدا ہوتے وقت جو آخری کلام کیا وہ یہ سوال تھا کہ''اللہ عزوجل کے نزدیک سب سے پسند یدہ عمل کون سا ہے ؟'' تو آپ صلی اللہ تعالی علیہ وآلہ وسلم نے فرمایا،''تمہاری موت اس حال میں آئے کہ تمہاری زبان اللہ عزوجل کے ذکر سے تر ہو۔''
ایک روایت میں ہے کہ میں نے عرض کیا ،''مجھے اللہ عزوجل کے نزدیک سب سے افضل اور پسندیدہ عمل کے بارے میں بتایئے ۔''فرمایا ،''تمہارا اس طرح مرنا کہ تمہاری زبان اللہ عزوجل کے ذکر سے تر ہو۔''(التر غیب والترہیب ،کتاب الذکر و الدعا ء ، باب التر غیب فی الاکثار من ذکر اللہ ، رقم ۷ ، ج ۲ ، ص ۲۵۳)