Brailvi Books

(۲۹)۔۔۔۔۔۔ حضرتِ سیدنا انس رضی اللہ تعالی عنہ سے روایت ہے کہ سیِّدُ المبلغین، رَحْمَۃ لِّلْعٰلَمِیْن صلَّی اللہ تعالیٰ علیہ واٰلہٖ وسلّم نے فرمایا کہ'' جو علم کی تلاش میں نکلتاہے وہ واپس لوٹنے تک اللہ تعالیٰ کی راہ میں ہوتا ہے۔''

(جامع ترمذی، کتاب العلم ، باب فضل طلب العلم ، رقم۲۶۵۶، ج۴، ص۲۹۴)

     حضرتِ سیدنا ابوہریرہ رضی اللہ تعالی عنہ سے مروی حدیث کے الفاظ یوں ہیں کہ آپ فرماتے ہیں ،''میں نے اللہ عزوجل کے مَحبوب، دانائے غُیوب، مُنَزَّہ عَنِ الْعُیوب صلَّی اللہ تعالیٰ علیہ واٰلہٖ وسلّم کو فرماتے ہوئے سنا ''جو میری اس مسجد میں صرف بھلائی کی بات سیکھنے یا سکھانے کیلئے آیا تو وہ اللہ کی راہ میں جہاد کرنے والے کی طرح ہے اور جو کسی اور نیت سے آیا تو وہ غیر کے مال پر نظر رکھنے والے کی طرح ہے۔''

   (سنن ابن ماجہ ، کتا ب العلم ، باب فضل العلماء ، رقم۲۲۷، ج ۱، ص ۱۴۹)

(۳۰)۔۔۔۔۔۔ امیرالمومنین حضر ت علی بن ابی طالب کرم اللہ وجہہ الکریم سے روایت ہے كہ نور کے پیکر، تمام نبیوں کے سَرْوَر، دو جہاں کے تاجْوَر، سلطانِ بَحرو بَرصلَّی اللہ تعالیٰ علیہ واٰلہٖ وسلّم نے فرمایا کہ ''جو بندہ علم کی جستجو میں جوتے ، موزے یا کپڑے پہنتا ہے تو اپنے گھر کی چوکھٹ سے نکلتے ہی اس کے گناہ معاف کردئیے جاتے ہیں۔''

(طبرانی اوسط ، باب المیم ، رقم ۵۷۲۲ ، ج ۴ ص ۲۰۴)

(۳۱)۔۔۔۔۔۔ حضرتِ سیدنا واثلہ رضی اللہ تعالی عنہ سے روایت ہے کہ شہنشاہِ خوش خِصال، پیکرِ حُسن وجمال،، دافِعِ رنج و مَلال، صاحب ِجُودو نوال، رسولِ بے مثال، بی بی آمنہ کے لال صلَّی اللہ تعالیٰ علیہ واٰلہٖ وسلّم نے ارشادفرمایا ، ''جس نے علم کی جستجو کی اور اسے