Brailvi Books
 |
جنت میں لے جانے والے اعمال |
389 - 736
پڑھتاجااور جنت کے درجات طے کرتاجا اور ٹھہرٹھہر کر پڑھ جیساکہ تو دنیا میں ٹھہر ٹھہر کرپڑھا کرتاتھا تو جہاں آخری آیت پڑھے گا وہیں تیراٹھکانا ہوگا۔''
(ابو داؤد، کتاب الوتر، باب استحبا ب الترتیل فی القراء ۃ، رقم ۱۴۶۴ ،ج۲، ص ۱۰۴)
وضاحت:
حضرتِ سیدنا ابوسلیمان خطابی علیہ الرحمہ''معالم السنن''میں فرماتے ہیں کہ '' روایات میں آیا ہے کہ قرآن کی آیتوں کی تعداد جنت کے درجات کے برابر ہے لہذاقاری سے کہا جائے گا کہ تو جتنی آیتیں پڑھ سکتاہے اتنے درجے طے کرتاجاتو جواس وقت پورا قرآن پاک پڑ ھ لے گا وہ جنت کے انتہائی درجے کو پالے گا اور جس نے قرآن کا کوئی جز پڑھا تو اس کے ثواب کی انتہاء قراء ت کی انتہاء تک ہوگی۔'' واللہ اعلم بالصواب (۱۰۸۸)۔۔۔۔۔۔ حضرتِ سیدنا ابوہریرہ رضی اللہ تعالی عنہ سے مروی ہے کہ نبی مُکَرَّم،نُورِ مُجسَّم، رسول اکرم، شہنشاہ ِبنی آدم صلَّی اللہ تعالیٰ علیہ واٰلہٖ وسلّم نے فرمایا،'' قیامت کے دن قرآن پڑھنے والا آئے گا تو قرآن عرض کریگا ،''اے رب عزوجل! اسے حُلَّہ پہنا۔'' تو اسے کرامت کا حلہ پہنایا جائے گا ۔پھر قرآن عرض کریگا،''یا رب! اس میں اضافہ فرما ۔'' تو اسے کرامت کاتاج پہنا یاجائے گا۔پھر قرآن عرض کریگا، ''اے رب عزوجل !اس سے راضی ہو جا۔'' تو اللہ عزوجل اس سے راضی ہوجائے گا ۔ پھر اس قرآن پڑھنے والے سے کہاجائے گا،'' قرآن پڑھتاجااور جنت کے درجات طے کرتا جا اور ہر آیت پر اسے ایک نعمت عطا کی جائیگی۔''