Brailvi Books

(۱۰۶۸)۔۔۔۔۔۔ حضرتِ سیدناعُتبہ بن سُلَمی رضی اللہ عنہ سے مروی ہے کہ خاتِمُ الْمُرْسَلین، رَحْمَۃُ الِّلْعٰلمین، شفیعُ المذنبین، انیسُ الغریبین، سراجُ السالکین، مَحبوبِ ربُّ العلمین، جنابِ صادق و امين صلَّی اللہ تعالیٰ علیہ واٰلہٖ وسلّم نے فرمایاکہ'' مقتول تین طرح کے ہوتے ہیں ،پہلا : وہ مومن جو راہِ خدا عزوجلَّ میں اپنی جان ومال سے جہاد کرے، جب اس کا دشمن سے سامنا ہو تو وہ شہید ہوجانے تک ان کے ساتھ جنگ کرتارہے ، یہ کامیاب شہید ، عرش تلے اللہ عزوجل کی جنت میں ہوگا اس پر انبیاء صرف نبوت کے درجے کی فضیلت رکھتے ہونگے ۔

    دوسرا:وہ شخص جو گناہوں سے گھبرا کر اپنی جان ومال کے ساتھ اللہ عزوجل کی راہ میں جہاد کرے جب اس کا دشمن سے سامنا ہو تو وہ شہید ہونے تک ان کے ساتھ جنگ کرتا رہے تووہ ایسا نکھرا ہواشہید ہے جسکے گناہ اور خطائیں مٹادی جاتی ہیں کیونکہ تلوار گناہوں کو مٹانے والی ہے اورجنت کے آٹھ دروازے ہیں جس دروازے سے یہ چاہے گا داخل ہوگا جبکہ جہنم کے سات دروازے ہیں جن میں سے بعض دروازے بعض سے زیادہ عذاب والے ہیں۔

    تیسرامقتول:وہ منافق شخص جو اپنی جان ومال سے اللہ عزوجل کی راہ میں قتل ہونے تک جہاد کرے مگروہ جہنم میں ہے کیونکہ تلوارنفاق کو نہیں مٹاتی۔''