Brailvi Books
 |
جنت میں لے جانے والے اعمال |
379 - 736
تاجْوَر، سلطانِ بَحرو بَرصلَّی اللہ تعالیٰ علیہ واٰلہٖ وسلّم نے فرمایاکہ ہمارارب تبارک وتعالیٰ اس شخص سے خوش ہوتاہے جس کے ساتھی راہِ خدا عزوجل میں جہاد کرتے ہوئے شکست کھا جائیں اوروہ شخص اپنی ذمہ داری کو پہچانے اوراپنا خون بہہ جا نے تک لڑتارہے تو اللہ عزوجل اپنے ملائکہ سے فرماتاہے کہ ''میرے اس بندے کی طرف دیکھو جو میرے انعامات میں رغبت اور میرے خوف سے لوٹ آیا یہاں تک کہ اس کا خون بہادیا گیا۔''
(ابو داؤد، کتاب الجہاد ،باب فی الرجل یشتری نفسہ، رقم ۲۵۳۶ ،ج۳، ص ۲۷)
(۱۰۶۳)۔۔۔۔۔۔ حضرتِ سیدناانس بن مالک رضی اللہ عنہ سے روایت ہے کہ حضورِ پاک، صاحبِ لَولاک، سیّاحِ افلاک صلَّی اللہ تعالیٰ علیہ واٰلہٖ وسلّم نے فرمایاکہ'' جب بندے حساب کے لئے کھڑے ہوں گے تو ایک قوم اپنی تلوار یں اپنی گردنوں پررکھے ہوئے آئے گی جن سے خون بہہ رہا ہوگا اور جنت کے دروازے پر آکر بھیڑ کر دے گی۔ پوچھا جائے گا '' یہ کون ہیں؟'' جواب دیاجائے گا،'' یہ شہداء ہیں جو زندہ تھے اور رزق دئیے جاتے تھے۔''
(المعجم الاوسط لطبرانی من اسمہ احمد، رقم ۱۹۹۸ ،ج۱ ،ص ۵۴۲)