Brailvi Books

(۲۱)۔۔۔۔۔۔ حضرتِ سیدنا ابودَرْدَاء رضی اللہ تعالیٰ عنہ فرماتے ہیں کہ میں نے تاجدارِ رسالت، شہنشاہِ نُبوت، مَخْزنِ جودوسخاوت، پیکرِ عظمت و شرافت، مَحبوبِ رَبُّ العزت،محسنِ انسانیت صلَّی اللہ تعالیٰ علیہ واٰلہٖ وسلّم کو فرماتے ہوئے سنا کہ ''جو اللہ عزوجل کی رضا کے لئے علم کی جستجومیں نکلتاہے تواللہ تعالیٰ اس کے لئے جنت کا ایک دروازہ کھول دیتاہے اور فرشتے اس کے لئے اپنے پربچھادیتے ہیں اور اس کے لیے دعائے رحمت کرتے ہیں اور آسمانوں کے فرشتے اور سمندر کی مچھلیاں اس کے لیے استغفارکرتی ہیں اور عالم کو عابد پر اتنی فضیلت حاصل ہے جتنی چودھویں رات کے چاند کو آسمان کے سب سے چھوٹے ستارے پر اور علماء انبیاء کرام علیھم السلام کے وارث ہیں ، بیشک انبیاء کرام علیھم السلام درھم ودینار کا وارث نہیں بناتے بلکہ وہ نفوسِ قدسیہ علیھم السلام تو علم کا وارث بناتے ہیں، لھٰذا جس نے علم حاصل کیا اس نے اپنا حصہ لے لیا اور عالمِ کی موت ایک ایسی آفت ہے جس کا ازالہ نہیں ہوسکتااورایک ایسا خلاہے جسے پرُ نہیں کیا جا سکتا (گویا کہ )وہ ایک ستارہ تھا جو ماند پڑ گیا، ایک قبیلے کی موت ایک عالم کی موت سے زیادہ آسان ہے ۔''