Brailvi Books
 |
جنت میں لے جانے والے اعمال |
378 - 736
وَلَا تَحْسَبَنَّ الَّذِیۡنَ قُتِلُوۡا فِیۡ سَبِیۡلِ اللہِ اَمْوَاتًا ؕ بَلْ اَحْیَآءٌ عِنۡدَ رَبِّہِمْ یُرْزَقُوۡنَ ﴿169﴾
ترجمہ کنزالایمان :اور جو اللہ کی راہ میں مارے گئے ہرگز انہیں مردہ نہ خیال کرنا بلکہ وہ اپنے رب کے پاس زندہ ہیں روزی پاتے ہیں۔''(پ 4 ، آل عمران: 169)
تو انہوں نے فرمایا ،''ہم نے جب رسول اللہ صلَّی اللہ تعالیٰ علیہ واٰلہٖ وسلّم سے اس کے بارے میں سوال کیا تھاتوآپ صلی اللہ تعالی علیہ وآلہ وسلم نے فرمایا تھا کہ ان کی روحیں سبز پرندوں کے پیٹ میں ہیں، ان کے گھونسلے عرش سے معلق ہیں،وہ جنت میں جہاں چاہتے ہیں چلے جاتے ہیں پھر ان قندیلوں میں لوٹ آتے ہیں، پھر ان کا رب عزوجل ان پر تَجَلِّی فرماتاہے اور ارشاد فرماتاہے،'' کیا تمہیں کسی چیز کی خواہش ہے؟'' وہ عرض کرتے ہیں،''ہمیں کس چیز کی خواہش ہو گی جبکہ ہم جنت میں جہاں چاہتے ہیں چلے جاتے ہیں۔''اللہ عزوجل تین مرتبہ یہی فرماتاہے کہ ''کوئی خواہش ہے ؟''جب وہ جان لیتے ہیں کہ ہمارے لئے کچھ مانگے بغیر چارہ نہیں تو عرض کرتے ہیں ،''یا رب عزوجل !ہم چاہتے ہیں کہ تو ہماری روحوں کو ہمارے جسموں میں لوٹادے تاکہ ہم ایک مرتبہ پھر تیری راہ میں قتل کئے جائیں۔'' جب اللہ عزوجل دیکھتاہے کہ انہیں کوئی حاجت نہیں تو انہیں چھوڑ دیتاہے۔''(مسلم ،کتاب الامارۃ ،باب بیان ارواح الشھداء فی الجنۃ، رقم ۱۸۸۷، ص ۱۰۴۷)
(۱۰۶۰)۔۔۔۔۔۔ حضرتِ سیدناکعب بن مالک رضی اللہ عنہ سے مروی ہے کہ نبی مُکَرَّم،نُورِ مُجسَّم، رسول اکرم، شہنشاہ ِبنی آدم صلَّی اللہ تعالیٰ علیہ واٰلہٖ وسلّم نے فرمایا،'' بیشک شہداء کی روحیں جنت میں سبز پرندوں کے پیٹ میں ہیں جو جنت کے پھلوں یا جنت کے درختوں میں سے کھاتی ہیں۔''