Brailvi Books
 |
جنت میں لے جانے والے اعمال |
373 - 736
مجھے راہِ خدا عزوجل میں قتل کردیا جائے تو آپ کا کیا خیا ل ہے کہ میرے گناہ معاف کردئیے جائیں گے ؟ ''تو آپ صلی اللہ تعالی علیہ وآلہ وسلم نے فرمایا،'' ہاں! اگرتمہیں اللہ عزوجل کی راہ میں قتل کردیا جائے جبکہ تم اس پر ثواب کی امید رکھتے ہوئے صبر کرو اور لڑائی کے دورا ن پیش قدمی کرو اور میدا ن جہاد سے فرار اختیار نہ کرو۔''
پھر آپ صلی اللہ تعالی علیہ وآلہ وسلم نے اس سے فرمایا ،'' ابھی تو نے کیا کہا تھا ؟ '' اس نے عرض کیا ،''اگر مجھے راہِ خدا عزوجل میں قتل کردیا جائے تو آپ صلی اللہ علیہ وسلم کا کیا خیا ل ہے کیا میرے گناہ معاف کردئیے جائیں گے ؟''آپ صلی اللہ تعالی علیہ وآلہ وسلم نے فرمایا ،''ہاں! اگر تم اس پر صبر کرواور میدانِ جہاد سے فرا ر اختیار نہ کرو تو قرض کے علاوہ تمہارے تمام گناہ معاف کردئیے جائیں گے، مجھے جبر ائیل علیہ السلام نے یہی بتایا ہے۔''(مسلم ،کتاب الامارۃ، باب من قتل فی سبیل اللہ الخ، رقم ۱۸۸۵ ،ص ۱۰۴۶)
(۱۰۴۹)۔۔۔۔۔۔ حضرتِ سیدناعبداللہ بن عمروبن عاص رضی اللہ عنہما سے روایت ہے کہ نور کے پیکر، تمام نبیوں کے سَرْوَردوجہاں کے تاجْوَر، سلطانِ بَحرو بَرصلَّی اللہ تعالیٰ علیہ واٰلہٖ وسلّم نے فرمایا،'' قرض کے علاوہ شہید کے تمام گناہ معاف کردئیے جاتے ہیں ۔''
(مسلم، کتاب الامارۃ، باب من قتل فی سبیل اللہ الخ، رقم ۱۸۸۶،ص ۱۰۴۶)