Brailvi Books
 |
جنت میں لے جانے والے اعمال |
371 - 736
(4) وَ الَّذِیۡنَ قُتِلُوۡا فِیۡ سَبِیۡلِ اللہِ فَلَنۡ یُّضِلَّ اَعْمَالَہُمْ ﴿4﴾سَیَہۡدِیۡہِمْ وَ یُصْلِحُ بَالَہُمْ ۚ﴿5﴾وَ یُدْخِلُہُمُ الْجَنَّۃَ عَرَّفَہَا لَہُمْ ﴿6﴾
ترجمہ کنزالایمان :اور جو اللہ کی راہ میں مارے گئے اللہ ہر گز ان کے عمل ضائع نہ فرمائے گا جلد انہیں راہ دے گا اور ان کاکام بنادے گا اورانہیں جنت میں لے جائے گا انہیں اس کی پہچان کرادی ہے۔''( پ 26، محمد: 4تا6 )
اس بارے میں احادیث ِمقدسہ :
(۱۰۳۹)۔۔۔۔۔۔ حضرتِ سیدناسمرہ بن جندب رضی اللہ عنہ سے روایت ہے کہ نبی مُکَرَّم،نُورِ مُجسَّم، رسول اکرم، شہنشاہ ِبنی آدم صلَّی اللہ تعالیٰ علیہ واٰلہٖ وسلّم نے فرمایاکہ گزشتہ رات میں نے دیکھا کہ دوشخص میرے پاس آئے اور مجھے ساتھ لے کر ایک درخت کے اوپر چڑھ گئے اور مجھے ایک بہت خوبصورت اورفضیلت والے گھر میں داخل کردیا،میں نے اس جیسا گھر کبھی نہیں دیکھا پھر انہوں نے مجھ سے کہا کہ ''یہ شہداء کا گھر ہے ۔''