Brailvi Books

 (۱۰۳۴)۔۔۔۔۔۔ حضرتِ سیدنا ابوہریرہ رضی اللہ عنہ سے روایت ہے کہ خاتِمُ الْمُرْسَلین، رَحْمَۃُ الِّلْعٰلمین، شفیعُ المذنبین، انیسُ الغریبین، سراجُ السالکین، مَحبوبِ ربُّ العلمین، جنابِ صادق و امين صلَّی اللہ تعالیٰ علیہ واٰلہٖ وسلّم نے فرمایاکہ'' جو شخص صرف اللہ عزوجل کی راہ میں جہا د کی نیت سے گھر سے نکلتاہے تو اللہ عزوجل اس کاضامن ہوتاہے کہ اسے میری راہ میں جہاد کے جذبے ، مجھ پر ایمان اور میرے رسولوں کی تصدیق نے نکالا ہے ۔ چنانچہ اللہ عزوجل اسے ضمانت دیتاہے کہ اسے جنت میں داخل فرمائے گا یا اسے اس کے حاصل کردہ ثواب یا غنیمت کے ساتھ اس کے گھر واپس لوٹا ئے گا۔''

    پھر آپ صلی اللہ علیہ وسلم نے فرمایا،'' اس ذاتِ پاک کی قسم ،جس کے دست قدرت میں محمد (صلی اللہ علیہ وسلم) کی جان ہے!جب راہِ خدا عزوجل میں لگنے والے زخم کو قیامت کے دن لایاجائے گا تو اس کا رنگ خو ن جیسا اور بو مشک جیسی ہوگی اور اس ذا ت پاک کی قسم جس کے دست قد رت میں محمد صلی اللہ علیہ وسلم کی جان ہے! اگر مجھے مسلمانو ں کے مشقت میں پڑجانے کا خو ف نہ ہوتا تو میں راہ خدا عزوجل میں لڑی جانے والی ایک جنگ کے بعد دوسری سے ہرگز نہ بیٹھتا مگر میں وسعت نہیں پاتا کہ انہیں اس بات پر آمادہ کروں اور نہ ہی وہ اس کی وسعت پاتے ہیں اور مجھ سے پیچھے رہ جانا بھی انہیں گراں گزرتا ہے، اس ذات پاک کی قسم! جس کے قبضہ قدرت میں محمد (صلی اللہ علیہ وسلم) کی جان ہے ،میں چاہتا ہوں کہ اللہ عزوجل کی راہ میں جہاد کر وں اور شہید ہوجاؤں پھر جہاد کروں پھر شہید ہوجاؤ ں پھر جہاد کرو ں پھر شہید ہوجاؤں۔''