Brailvi Books
 |
جنت میں لے جانے والے اعمال |
350 - 736
(۹۸۱)۔۔۔۔۔۔ حضرتِ سیدنا ابوہریرہ رضی اللہ عنہ سے مروی ہے کہ اللہ عزوجل کے مَحبوب، دانائے غُیوب، مُنَزَّہ عَنِ الْعُیوب صلَّی اللہ تعالیٰ علیہ واٰلہٖ وسلّم نے فرمایا،''گھوڑو ں کی پیشانیوں میں قیامت تک بھلائی پوشیدہ ہے او ر ان پر خر چ کرنے والااپنے ہاتھ سے صدقہ دینے والے کی طر ح ہے ۔''
(مسند ابی یعلی الموصلی ، مسند ابی ہریرہ رضی اللہ عنہ ، رقم ۵۹۸۸، ج ۵، ص ۳۰۳)
(۹۸۲)۔۔۔۔۔۔ حضر ت ابو کبشہ رضی اللہ عنہ سے روایت ہے کہ نور کے پیکر، تمام نبیوں کے سَرْوَر، دو جہاں کے تاجْوَر، سلطانِ بَحرو بَرصلَّی اللہ تعالیٰ علیہ واٰلہٖ وسلّم نے فرمایاکہ'' گھوڑے کی پیشانی میں خیر بندھی ہوئی ہے اور اس کی وجہ سے اس کے مالکوں کی مدد کی جاتی ہے اور اس پر خرچ کرنے والاہاتھ پھیلا کر صدقہ کرنے والے کی طرح ہے ۔''
(الاحسان بتر تیب صحیح ابن حبان ، کتاب السیر ،باب الخیل ،رقم ۴۶۵۵ ،ج۷، ص ۹۰)