(۹۷۴)۔۔۔۔۔۔ حضرتِ سیدتنااُمّ مالک بَھْزِیہ رضی اللہ عنہا فرماتی ہیں کہ سرکارِ والا تَبار، ہم بے کسوں کے مددگار، شفیعِ روزِ شُمار، دو عالَم کے مالک و مختار، حبیبِ پروردگارصلَّی اللہ تعالیٰ علیہ واٰلہٖ وسلّم نے زمانہ قریب میں برپاہونے والے ایک فتنہ کا تذکرہ فرمایاتو میں نے عرض کیا ،''یارسول اللہ صلی اللہ علیہ وسلم !اس وقت سب سے بہترین شخص کون ہوگا ؟'' فرمایا،'' جو شخص مویشیوں کے ریوڑ میں رہے اور اس کا حق ادا کرے اوراپنے رب عزوجل کی عبادت کرتارہے اور وہ شخص جو اپنے گھوڑے کی لگام تھا م کر دشمن کو ڈرائے اور وہ لوگ اسے ڈراتے ہوں۔"
