Brailvi Books

جانا اور تمہاری وجہ سے آج رات ہم دھوکہ نہ کھاجائیں ۔''جب صبح ہوئی تو رسول اللہ صلی اللہ تعالی علیہ وآلہ وسلم نے اپنی جائے نماز پر دو رکعتیں ادا کیں پھر فرمایا،'' کیا تم نے اپنے سوار کو دیکھا؟'' صحابہ کرام رضی اللہ تعالیٰ عنہم نے عرض کیا،''یارسول اللہ صلی اللہ علیہ وسلم ! ہم نے اسے نہیں دیکھا۔'' پھر نماز کےلیے اقامت کہی گئی تو حضور نبی کریم  صلی اللہ تعالی علیہ وآلہ وسلم   نماز پڑھانے لگے اور نماز کے دوران پہاڑکی چوٹی کی طرف توجہ فرماتے رہے ۔ 

    جب آپ صلی اللہ تعالی علیہ وآلہ وسلم نے نماز پوری فرمالی تو فرمایا ، ''خوش ہوجاؤ تمہارا سوار آگیا۔'' تو ہم گھاٹی کے درختوں کے خلا کی طرف دیکھنے لگے ۔ اچانک وہ صحابی آگئے اور رسول اللہ صلی اللہ تعالی علیہ وآلہ وسلم کی خدمت میں حاضرہوکر سلام عرض کیا اور عر ض گزار ہوئے ،'' یارسول اللہ صلی اللہ علیہ وسلم ! میں یہاں سے روانہ ہونے کے بعد پہاڑکی چوٹی پراس جگہ پہنچا جہاں تک پہنچنے کا اللہ عزوجل کے رسول صلی اللہ تعالی علیہ وآلہ وسلم نے مجھے حکم فرمایا تھا،جب صبح ہوئی تو میں نے دونوں چوٹیوں کو دیکھا جب خو ب نظر دوڑائی تو کوئی نظر نہیں آیا۔'' تو رسول اللہ صلی اللہ تعالی علیہ وآلہ وسلم نے فرمایا،'' کیا رات کو تم پہاڑسے اترے تھے ؟'' انہوں نے عرض کیا،'' نہیں صرف نماز اور قضائے حاجت کے لئے اترا تھا۔'' تو نبی کریم صلی اللہ تعالی علیہ وآلہ وسلم نے فرمایا،''تم نے اپنے لئے(جنت) واجب کرلی،اب اس پہرہ کے بعد کوئی عمل نہ کرنا تمہیں نقصان نہ دے گا۔''