Brailvi Books
 |
جنت میں لے جانے والے اعمال |
گزشتہ صفحات میں حضرتِ سیدنا سَلْمَان رضی اللہ تعالیٰ عنہ سے مروی صحیح حدیث گزرچکی کہ ایک دن اور رات مورچہ بندی کرنا ایک مہینے کے ر وزے رکھنے اور رات کو قیام کرنے سے بہترہے اور اگراسی دوران اس کا انتقال ہوگیا تب بھی اس کا یہ عمل جاری رہے گا جسے وہ زندگی میں کیا کرتا تھا او ر اس کا رزق جاری کیا جائے گا اور وہ منکر نکیر سے امن میں رہے گا۔''
(صحیح مسلم ، کتاب الامارۃ ، باب فضل الربا ط فی سبیل اللہ ،رقم ۱۹۱۳، ص۱۰۵۹)
(۹۵۸)۔۔۔۔۔۔ حضرتِ سیدناعِرباض بن ساریہ رضی اللہ عنہ سے مروی ہے کہ خاتِمُ الْمُرْسَلین، رَحْمَۃُ الِّلْعٰلمین، شفیعُ المذنبین، انیسُ الغریبین، سراجُ السالکین، مَحبوبِ ربُّ العلمین، جنابِ صادق و امين صلَّی اللہ تعالیٰ علیہ واٰلہٖ وسلّم نے فرمایا،''ہر شخص کا عمل مرنے کے بعد منقطع ہو جاتا ہے مگر اللہ عزوجل کی راہ میں جہاد کرنے والے کے عمل میں اضافہ ہوتارہتا ہے اور اسے قیامت تک اس کا رزق دیاجاتا ہے۔''