پچھلے صفحات میں یہ حدیث گزر چکی ہے کہ'' جو مدینہ میں ثابت قدم رہے اورمرنے تک اس کی تنگی اور سختی پر صبر کرے قیامت کے دن میں اس کی شفاعت کروں گا یا اس کے حق میں گواہی دوں گا ۔''
(۹۰۳)۔۔۔۔۔۔ بنو لیث کی ایک خاتو ن حضرتِ سیدتنا عَمِیْتَہ رضی اللہ عنہا فرماتی ہیں کہ میں نے اللہ عزوجل کے مَحبوب، دانائے غُیوب، مُنَزَّہ عَنِ الْعُیوب صلَّی اللہ تعالیٰ علیہ واٰلہٖ وسلّم کو فرماتے ہوئے سنا،'' تم میں سے جو مدینہ میں مرنے کی استطاعت رکھے وہ مدینے میں ہی مرے کیونکہ جو مدینہ میں مرے گا اس کی شفاعت کی جائے گی یا اس کے حق میں گواہی دی جائے گی ۔''
