Brailvi Books

(۸۵۵)۔۔۔۔۔۔ حضرتِ سیدنا ابن عباس رضی اللہ تعالی عنہما سے روایت ہے کہ اللہ عزوجل کے مَحبوب، دانائے غُیوب، مُنَزَّہ عَنِ الْعُیوب صلَّی اللہ تعالیٰ علیہ واٰلہٖ وسلّم نے حجرِ اسود کے بارے میں فرمایا،'' اللہ عزوجل کی قسم !رب تعالیٰ قیامت کے دن اسے دودیکھنے والی آنکھوں اور بولنے والی زبان کے ساتھ اٹھائے گا پھر یہ حق کے ساتھ استلام کرنے والوں کے بارے میں گواہی دے گا ۔''

(جامع التر مذی ،کتاب الحج ، باب ماجاء فی الحجر الاسود ،ر قم ۹۶۳ ، ج ۲، ص ۲۸۶)

    ایک روایت میں ہے کہ'' اللہ عزوجل قیامت کے دن حجر اسود اور رکن یمانی کو اٹھائے گا، ان میں سے ہرایک کی دوآنکھیں ، دوزبانیں اور دو ہونٹ ہوں گے جن کے ذریعے یہ اپنا صحیح طریقے سے استلام کرنے والوں کے حق میں گواہی دیں گے ۔''

  (المعجم الکبیر ، رقم ۱۱۴۳۲، ج ۱۱ ، ص ۱۴۶)

(۸۵۶)۔۔۔۔۔۔ حضرتِ سیدنا ابن عباس رضی اللہ تعالی عنہما سے مروی ہے کہ نور کے پیکر، تمام نبیوں کے سَرْوَر، دو جہاں کے تاجْوَر، سلطانِ بَحرو بَرصلَّی اللہ تعالیٰ علیہ واٰلہٖ وسلّم نے فرمایا،'' حجرِاَ سود جنت کے یا قوتو ں میں سے ایک سفید یا قوت ہے اور اسے مشرکین کے گناہ نے سیاہ کردیا ،قیامت کے دن اسے احد پہاڑکی مثل بنادیا جائے گا تو یہ دنیا والو ں میں سے اپنا استلام کرنے والو ں اور بوسہ دینے والو ں کے حق میں گواہی دے گا ۔''

 (صحیح ابن خزیمہ ، کتاب المناسک ، رقم ۲۷۳۴ ، ج۴ ، ص ۲۲۰)

    ایک روایت میں ہے کہ ''حجر ا سود جنت سے اتا ر ا گیاہے یہ دو دھ سے زیادہ سفید تھا پھراسے انسانوں کے گناہو ں نے سیا ہ کردیا۔''

   (جامع التر مذی ،کتاب الحج ، باب ماجاء فی فضل الحجر الاسود والرکن ، رقم ۸۷۸، ج ۲ ، ص ۲۴۸)

 (۸۵۷)۔۔۔۔۔۔ ام المومنین حضرتِ سیدتنا عائشہ صدیقہ رضی اللہ تعالی عنہا سے روایت ہے کہ شہنشاہِ خوش خِصال، پیکرِ حُسن وجمال،، دافِعِ رنج و مَلال، صاحب ِجُودو نوال، رسولِ بے مثال، بی بی آمنہ کے لال صلَّی اللہ تعالیٰ علیہ واٰلہٖ وسلّم نے فرمایا،''اس حجراسود کواپنے