Brailvi Books

(۸۵۲)۔۔۔۔۔۔ حضرتِ سیدنا عبد اللہ بن عمرو بن عاص رضی اللہ تعالی عنہما فرماتے ہیں،''جس نے کامل وضو کیا پھر رکن کا استلام کرنے آیا تو وہ رحمت میں ڈوب گیااور جب وہ استلام کرلے اور یہ پڑھے تواسے رحمت ڈھانپ لیتی ہے :

''بِسْمِ اللہِ وَاللہُ اَکْبَرُ اَشْھَدُ اَنْ لَّا اِلٰہَ اِلَّااللہُ وَحْدَہٗ لَاشَرِیْکَ لَہٗ وَاَشْھَدُاَنَّ مُحَمَّدًاعَبْدُہٗ وَرَسُوْلُہٗ

ترجمہ: اللہ کے نام سے شروع اور اللہ سب سے بڑاہے میں گواہی دیتاہوں کہ اللہ کے سواکوئی معبود نہیں وہ تنہا ہے اس کاکوئی شریک نہیں اور گواہی دیتاہوں کہ حضرتِ سیدنا محمد صلی اللہ علیہ وسلم اس کے بندے اور رسول ہیں۔''

     جب وہ بیت اللہ کا طواف کرتاہے تو اللہ عزوجل اس کے ہر قدم پر اس کے لئے ستّر ہزار نیکیاں لکھتاہے اور اس کے ستّرہزارگناہ مٹاتاہے اور اس کے ستّر ہزاردرجات بلندفرماتاہے اور اس کی اپنے ستّررشتہ داروں کے حق میں شفاعت قبول کی جائے گی پھر جب وہ مقام ابراہیم علیہ السلام پر آکر ایمان اور نیتِ ثواب کے ساتھ دورکعتیں ادا کرتاہے تو اللہ عزوجل اس کے لئے اولادِ اسماعیل علیہ السلام میں سے چارغلام آزادکرنے کا ثواب لکھتاہے اور وہ اپنے گناہوں سے ایسے نکل جاتاہے جیسے اس دن تھا جب اس کی ماں نے اسے جنا تھا ۔ ''

  (الترغیب الترہیب، کتا ب الحج ، باب التر غیب فی الطواف واستلام الحجر الاسود ، رقم ۱۱، ج ۲ ،ص ۱۲۴)

    حضرتِ سیدنا ابن عمررضی اللہ تعالیٰ عنہما کی روایت گزرچکی ہے، کہ حاجی جب بیت اللہ کے طواف کا آخری چکر مکمل کرلیتاہے تو اپنے گناہوں سے ایسے نکل جاتاہے جیسے اس دن تھا جب اس کی ماں نے اسے جنا تھا ۔''

(۸۵۳)۔۔۔۔۔۔ حضرتِ سیدنا ابو عِقال رضی اللہ عنہ فرماتے ہیں کہ ایک مرتبہ میں نے بارش کے دوران حضرتِ سیدنا اَنَس بن مالک رضی اللہ تعالیٰ عنہ کے ساتھ بیت اللہ شریف کا طواف کیا ۔ جب ہم طواف مکمل کرنے کے بعد مقامِ ابراہیم پر حاضر ہوئے اور