Brailvi Books

   (ابن ماجہ، کتا ب المناسک ،باب الظلال للمحرم ،رقم ۲۹۲۵، ج۳، ص ۴۲۴)

(۸۳۷)۔۔۔۔۔۔ امام طبرانی علیہ الرحمۃنے حضرتِ سیدنا عامر بن ربیعہ رضی اللہ تعالی عنہ سے اسی طرح کی ایک روایت نقل کی ہے۔

(۸۳۸)۔۔۔۔۔۔ حضرتِ سیدنا زید بن خالد جُہنی رضی اللہ تعالیٰ عنہ سے روایت ہے کہ نور کے پیکر، تمام نبیوں کے سَرْوَر، دو جہاں کے تاجْوَر، سلطانِ بَحرو بَرصلَّی اللہ تعالیٰ علیہ واٰلہٖ وسلّم نے فرمایا، ''میرے پاس جبرئیل امین علیہ السلام حاضرہوئے اور عرض کیا کہ اپنے صحابہ کرام علیہم الرضوان کو حکم دیجئے کہ تلبیہ پڑھتے وقت اپنی آوازوں کو بلند کیا کریں کیونکہ بلندآواز سے تلبیہ پڑھنا حج کے شعار میں سے ہے۔ ''

(ابن ماجہ، کتا ب المناسک ،باب رفع الصوت بالتلبیہ ،رقم ۲۹۲۳ ،ج۳ ،ص ۴۲۳)

(۸۳۹)۔۔۔۔۔۔ اس روایت کو ابوداؤد نے اور ترمذی نے اسے صحیح قراردیکر حضرتِ سیدنا خلّاد بن سائب رضی اللہ تعالیٰ عنہ سے اور انہوں نے اپنے والد سے روایت کیا ۔

    (جامع التر مذی ، کتاب الحج ، باب ، ماجاء فی رفع الصوات بالتلیۃ ،رقم ۸۳۰ ، ج۲ ،ص ۲۲۷)

(۸۴۰)۔۔۔۔۔۔ حضرتِ سیدنا سہل بن سعد رضی اللہ تعالی عنہ سے مروی ہے کہ حضورِ پاک، صاحبِ لَولاک، سیّاحِ افلاک صلَّی اللہ تعالیٰ علیہ واٰلہٖ وسلّم نے فرمایا، ''جو مسلمان اللہ عزوجل کی راہ میں جہاد کرتے ہوئے یا حج کرنے کیلئے تہلیل یا تلبیہ پڑھتے ہوئے چلے تو سورج اس کے گناہوں کو غروب ہوتے وقت ساتھ لے جاتاہے اور وہ مسلمان گناہوں سے پاک ہوجاتاہے۔''

(طبرانی اوسط ،رقم ۶۱۶۵، ج۴، ص ۳۳۷)

(۸۴۱)۔۔۔۔۔۔ حضرتِ سیدنا ابوہریرہ رضی اللہ تعالی عنہ سے روایت ہے کہ سیِّدُ المبلغین، رَحْمَۃ لِّلْعٰلَمِیْن صلَّی اللہ تعالیٰ علیہ واٰلہٖ وسلّم نے فرمایا، ''جو شخص بلند آواز کے ساتھ تلبیہ پڑھتاہے سورج اس کے گناہوں کو ساتھ لے کر غروب ہوتاہے۔''

( شعب الایمان ،باب فی المناسک فصل فی الاحرام والتلبیۃ ،رقم ۴۰۲۹،ج۳ ،ص ۴۴۹)