Brailvi Books
 |
جنت میں لے جانے والے اعمال |
(۷۴۲)۔۔۔۔۔۔ حضرتِ سیدنا عبادہ بن صامت رضی اللہ تعالی عنہ سے روایت ہے کہ تاجدارِ رسالت، شہنشاہِ نُبوت، مَخْزنِ جودوسخاوت، پیکرِ عظمت و شرافت، مَحبوبِ رَبُّ العزت،محسنِ انسانيت صلَّی اللہ تعالیٰ علیہ واٰلہٖ وسلّم نے فرمایا، ''جس نے عید الفطر اور عید الاضحیٰ کی رات عبادت کی تواس کا دل اس دن نہ مرے گا جس دن دل مر جائیں گے۔''
(مجمع الزوائد ،کتاب الصلاۃ ،باب احیاء لیلتی العید ،رقم ۳۲۰۳ ،ج ۲ ،ص ۴۳۰۷)
(۷۴۳)۔۔۔۔۔۔ حضرتِ سیدنا ابو اُمَامَہ رضی اللہ تعالی عنہ سے روایت ہے کہ نور کے پیکر، تمام نبیوں کے سَرْوَر، دو جہاں کے تاجْوَر، سلطانِ بَحرو بَرصلَّی اللہ تعالیٰ علیہ واٰلہٖ وسلّم نے فرمایا،''جس نے عید ین کی راتوں میں ثواب کی اُمید پر قیام (یعنی عبادت )کیااس کا دل اس دن نہ مرے گا جس دن دل مر جائیں گے ۔''