گزشتہ صفحا ت میں حضرتِ سیدنا سَلْمَان رضی اللہ تعالیٰ عنہ کی حدیث گزرچکی ،جس میں یہ بھی بیان کیاگیا تھا کہ'' جس نے رمضان میں کسی روزے دار کو افطاری کرائی،اس کے گناہ بخش دئيے جاتے ہیں،اسے جہنم سے آزاد کردیا جاتا ہے اور اسے روزے دار کا ثواب دیا جاتا ہے جبکہ روزے دار کے ثواب میں بھی کمی نہیں کی جاتی۔'' صحابہ کرام علیہم الرضوان نے عرض کیا، ''یارسول اللہ صلی اللہ تعالی علیہ وآلہ وسلم !ہم میں سے ہرایک روزے دار کو افطاری کرانے کی طاقت نہیں رکھتا۔'' توآپ صلی اللہ تعالی علیہ وآلہ وسلم نے ارشاد فرمایا،'' اللہ عزوجل یہ ثواب اسے بھی عطا فرمائے گا جو کسی روزے دارکو ایک کھجور یا ایک گھونٹ پانی یا دودھ کی لسی کے ذریعے افطاری کرائے گا۔''
