Brailvi Books

(۶۹۸)۔۔۔۔۔۔ حضرتِ سیدنا کَعْب بن عجرہ رضی اللہ تعالی عنہ سے روایت ہے کہ اللہ عزوجل کے مَحبوب، دانائے غُیوب، مُنَزَّہ عَنِ الْعُیوب صلَّی اللہ تعالیٰ علیہ واٰلہٖ وسلّم نے فرمایا ، '' منبر کے قریب آجاؤ۔'' چنانچہ ہم وہاں حاضر ہوگئے۔ جب آپ نے پہلے زینہ پر قدم رکھا تو فرمایا ''آمین ''اور جب دوسرے زینہ پر قدم رکھا تو فرمایا'' آمین ''اور جب تیسرے زینہ پر قدم رکھا تو فرمایا ''آمین ۔'' جب آپ نے منبر سے نزول فرمایا تو ہم نے عرض کیا ،''یارسول اللہ صلی اللہ علیہ وسلم !آج ہم نے آپ سے وہ بات سنی ہے جو پہلے کبھی نہ سنی تھی۔'' ارشاد فرمایا ،''جبرائیل علیہ السلام میرے سامنے حاضر ہوئے اور کہا کہ جس نے رمضان کا مہینہ پایا پھر اس کی مغفرت نہ ہو ئی وہ رحمت سے محرو م ہو، تو میں نے آمین کہا، جب میں نے دوسرے زینہ پر قد م رکھا تو جبرائیل علیہ السلام نے کہا جس کے سامنے آپ صلی اللہ علیہ وسلم کا ذکر ہو اور وہ درو د پاک نہ پڑ ھے وہ رحمت سے محروم ہوتومیں نے آمین کہا پھر جب میں نے تیسرے زینہ پر قدم رکھا تو جبر ئیل علیہ السلام نے کہا جس کے پاس اس کے والدین یا ان میں سے ایک بڑھاپے کوپہنچا اور انہوں نے اسے جنت میں داخل نہ کرایا تو وہ رحمت سے محروم ہے ، تو میں نے کہا''آمین۔''