Brailvi Books
 |
جنت میں لے جانے والے اعمال |
255 - 736
واجب ہو جاتی ہے اور دوسراوہ شخص جو اللہ عزوجل سے اس حال میں ملے کہ اس کے ساتھ کسی کو شریک ٹھہراتاہو تو اس کے لئے جہنم واجب ہو جاتی ہے اور جو برا عمل کرے اس کے لئے بری جزا ہے اور جو نیک عمل کا ارادہ کرے پھر اسے نہ کر سکے تو اسے اس کا ثواب دیا جائے گا اور جو ایک نیکی کرے اسے دس نیکیوں کا ثواب دیا جائے گا اور جو اپنا مال راہِ خدا عزوجل میں خرچ کریگا اس کے خرچ سے ثواب کو بڑھا دیا جائے گا ،ایک درہم کا سات سو گنا اورایک دینار کاسات سو گنا ثواب دیا جائے گااور روزہ اللہ عزوجل کے لئے ہے اور روزہ دار کے ثواب کو اللہ عزوجل کے سوا کوئی نہیں جانتا۔ ''
(شعب الایمان ،باب فی الصیام، رقم ۳۵۸۹، ج۳ ،ص ۲۹۸)
(۶۸۲)۔۔۔۔۔۔ حضرتِ سیدنا ابو اُمَامَہ رضی اللہ تعالی عنہ فرماتے ہیں کہ میں نے عرض کیا ،''یارسول اللہ صلَّی اللہ تعالیٰ علیہ واٰلہٖ وسلّم !مجھے کوئی عمل بتائیے۔'' ارشاد فرمایا، '' روزے رکھا کرو کیونکہ اس جیسا عمل کوئی نہیں۔'' میں نے پھر عرض کیا،'' مجھے کوئی عمل بتایئے۔''فرمایا، ''روزے رکھا کرو کیونکہ اس جیساکوئی عمل نہیں۔'' میں نے پھر عرض کیا،''مجھے کوئی عمل بتایئے۔''فرمایا ،'' روزے رکھا کرو کیونکہ اس کا کوئی مثل نہیں۔''
(نسائی ،کتاب الصیام ، باب فضل الصیام ، ج۴، ص۱۶۶)