Brailvi Books

(۶۶۴)۔۔۔۔۔۔ حضرتِ سیدنا ابو ہریرہ رضی اللہ تعالی عنہ سے روایت ہے کہ سرکارِ والا تَبار، ہم بے کسوں کے مددگار، شفیعِ روزِ شُمار، دو عالَم کے مالک و مختار، حبیبِ پروردگارصلَّی اللہ تعالیٰ علیہ واٰلہٖ وسلّم نے فرمایا ،'' ایک شخص لوگو ں کو قر ض دیا کرتا تھا اور اپنے خادم سے کہتا ہےکہ جب تم کسی تنگدست کے پاس جاؤ تو اس سے چشم پوشی کیاکرو شاید کہ اللہ عزوجل ہمیں معا ف فرمادے تو جب وہ اللہ عزوجل کی بارگاہ میں حاضر ہوا تواللہ عزوجل نے اسے معا ف فرمادیا ۔''

     ایک روایت میں ہے کہ رسول ِ اکرم صلی اللہ علیہ وسلم نے فرمایا ،''ایک شخص جس نے کبھی کوئی اچھا عمل نہ کیا تھا ،لوگو ں کوقرض دیا کرتا تو اپنے قا صد سے کہا کرتا ''قرض دار جوکچھ آسانی سے دے اسے لیاکرو او رجس میں قر ضدا ر کودشواری ہواسے چھوڑدیاکرواور چشم پوشی کرو شاید اللہ عزوجل ہمیں معا ف فرمادے۔'' جب اس کا انتقال ہوا تو اللہ عزوجل نے اس سے فرمایا،'' کیا تو نے کبھی کوئی اچھا عمل کیا ؟ ''تو اس نے عرض کیا،'' نہیں، مگر میرا ایک غلام تھا اورمیں لوگو ں کو قر ض دیا کرتا تھا، جب میں اسے قر ض کا تقا ضا کرنے کے لئے بھیجتا تو اسے کہتا جو آسانی سے ملے وہ لے لواور جس میں قر ضدا ر کو دشواری ہو اسے چھوڑدواور چشم پوشی کرو، شاید اللہ عزوجل ہم سے چشم پوشی فرمائے ۔'' تو اللہ عزوجل نے اس سے فرمایا ،''بے شک میں نے تجھے معاف کردیا ۔''